नखांचा नखरा

नखांवर केलं जाणारं नक्षीकाम सध्या कॅम्पसमध्ये जोरात दिसतंय . थ्रीडी आर्ट आणि निऑन कलर्समुळे नखांचा नखरा चांगलाच वाढलाय .
 

दिवाळीनंतर कॉलेज पुन्हा एकदा नव्या जोमाने सुरू झालीत . फेस्टिवल्सचा मोसम सुरु झालाय त्यातच लग्नसराईचीही धूम आहे . त्यामुळे बारावी , टीवायसारखे दुर्दैवी जीव सोडले तर बाकी सगळेजण फुल्ल ऑन ‌‌ दंगा मूडमध्ये आहेत . मग अशावेळी वेगवेगळ्या फॅशन न उगवत्या तरच नवल . तर मुद्दा असा की कॅम्पसमध्ये नखांवर नक्षीकाम करणारे कारागिर वाढलेत . बाजारातही नेलआर्टची अनेक डिझाइन्स मिळतात . त्यामुळे तर हे काम खूपच सोप्पं झालंय . नखांवर फुलांची नक्षी किंवा स्वतःच्या नावाची डिझाइन्स काढणं खूप ' इन थिंग ' आहे . थ्री डी सिनेमांची तर तरुणाईला क्रेझ आहेच . पण थ्रीडी नेलआर्टचीही तितकीच क्रेझ दिसतेय . फक्त एकच की ते प्रोफेशनल माणसाकडून करुन घ्यावे लागतात . त्याबरोबरट फुल , कार्टून्स , एखाद्या देशाचा झेंडा असे वेगवेगळे बिटस् मार्केटमध्ये सहज उपलब्ध आहे . ते आयते चिकटवले की तुमची नेलआर्ट तैय्यार .

नेलआर्टमध्ये सध्या निऑन कलर्सची चलती आहे . त्यातही नारंगी , पिवळा , हिरवा , आकाशी , निळा , लालभडक असे काही रंग आजकाल खूप दिसतायत . या सगळ्या शेड्सवर तुम्ही काँट्रास्ट बिट्स किंवा अक्रॅलिक कलर्सचा वापर करु शकता . फक्त बिट्सच नव्हे तर वेगवेगळी नेलपेंट एकत्र करुनही त्यांचे डिझाइन्स करुन . त्यांचे एकमेकावर कोट्स देऊनही तुम्ही नेलआर्ट करु शकता . नखं खूपच छोटी असतील तर बाजारात नकली नखं आहेतच . शिवाय अॅक्रॅलिक गमची मदत घेऊनही तुम्ही ‌ नखं आणखी मोठी भासवू शकता .

घरच्या घरी नखांची कारागिरी
सगळ्यात आधी , नखं नीट स्वच्छ करुन घ्या .
वाकडीतिकडी वाढली असतील तर नीट कापून घ्या .
त्याना फाइलरने नीट आकार द्या .
यानंतर तुम्हाला हव्या त्या रंगाचं एक नेलपेंटचा बेस कोट लावून घ्या . तो सुकण्या अगोदरच त्यावर गमने तुम्ही आणलेली वेगवेगळी बिट्स चिकटवा . मग त्यावर ट्रान्सपरंट नेलपेंटचा एक कोट लावा . म्हणजे ती तुमच्या नखात एकदम फिक्स होऊन जातील . यात थोडं व्हेरिएशन म्हणून तुम्ही अॅक्रालिक कलर्सही वापरु शकता .
पहिल्यांदा नेलआर्ट करत असाल तर टूथप ‌ िकचाही चांगला वापर होऊ शकतो .

अशी घ्या नखांची काळजी
थंडीमध्ये प्यायला किंवा वापरायलाही आपल्याला गरम पाणी जास्त आवडतं . पण हे गरम पाणी तुमच्या नेलआर्टसाठी घातक आहे .
हात जास्तवेळ गरम पाण्यात राहिला तर नेलआर्ट विस्कटण्याचा धोका असतो .
नेलआर्टनंतर डिटर्जंट किंवा साबणाच्या पाण्यात हात खूप वेळ ठेऊ नका . त्यामुळे हात कोरडा पडतो आणि नखांचा रंग फिका होतो
हाताची त्वचा कोरडी होणार नाही याची काळजी घ्या . योग्य ते लोशन लावा . 0 घरी किंवा पार्लरमध्ये मॅनिक्युअर करत राहा . त्यामुळे हात टवटवीत राहतात .
मिठाच्या पाण्यात थोडं लिंबू पिळून त्यात ५ मिनीटं ‌ नखं घासा . त्यामुळे हाताची सर्व मृत त्वचा निघून जाईल .
हात ५ मिनिटं कोमट दुधात बुडवल्याने नखांना चांगलं पोषण मिळतं .